Молитвы святых --> Православные молитвы --> Молитва преподобному Афанасию Афонскому
Молитва преподобному Афанасию Афонскому
Молитва преподобному Афанасию Афонскому
Преподобне отче Афанасие, изрядный угодниче Христов и великий Афонский чудотворче! Во дни земнаго жития твоего многия на путь правый наставивый и во Царствие Небесное мудре руководивый, скорбныя утешивый, падающим руку помощи подавый, и всем любезен, милостив и сострадателен отец бывый!
Ты и ныне, в Небесней пребывая светлости, наипаче умножаеши любовь твою к нам немощным, в море житейстем различне бедствующим, искушаемым духом злобы и страстьми своими, воюющими на дух.
Сего ради смиренно молим тя, святый отче: по данней тебе от Бога благодати помози нам волю Господню в простоте сердца и смирении творити, искушения же вражия победити и свирепое страстей море изсушити; да тако немокренно прейдем житейскую пучину и предстательством твоим ко Господу сподобимся достигнути обетованнаго нам Царствия Небеснаго, славяще Безначальную Троицу, Отца и Сына и Святаго Духа, ныне и присно и во веки веков. Аминь.
Тропарь преподобному Афанасию Афонскому
Тропарь, глас 3
Еже во плоти житию твоему удивишася ангельстии чини, како с телом к невидимым сплетением изшел еси, приснославне, и уязвил еси демонския полки; отонудуже, Афанасие, Христос тебе воздаде богатыми дарованьми; сего ради, отче, моли спастися душам нашим.
Кондак, глас 8
Яко невещественных существ зрителя изрядна и деятельна сказателя всеистинна, взывает тя стадо твое, Богоглагольниче: не оскудей, моля о рабех твоих, избавится напастей и обхождений, вопиющим ти: радуйся, отче Афанасие.
Величание
Ублажаем тя, преподобне отче Афанасие, и чтим святую память твою, наставниче монахов и собеседниче ангелов.
Акафист святому преподобному Афанасию Афонскому чудотворцу Житие преподобного отца нашего Афанасия Афонского
« предыдущая молитва :: следующая молитва »
Популярные молитвы
Молитва преподобному Александру, игумену Свирскому Молитва преподобному Агапиту Печерскому, врачу безмездному Молитва преподобному Макарию, игумену Калязинскому, чудотворцу Молитва преподобному Маруфу, епископу Месопотамскому Молитвы на разные случаи. Тропарь Молитвы Пресвятой Богородице Молитва святым, иные