Молитвы святых угодников

Главная --> Православные молитвы --> Молитвы блаженному Василию, Христа ради юродивому, Московскому чудотворцу

Молитвы блаженному Василию, Христа ради юродивому, Московскому чудотворцу.

Молитва первая

О великий угодниче Христов, истинный друже и верный рабе Всетворца Господа Бога, преблаженне Василие! Услыши ны многогрешныя, ныне вопиющыя к тебе и призывающыя имя твое святое: помилуй ны припадающыя днесь к раце мощей твоих: приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невидимых враг безгрешно прейти, и христианскую кончину непостыдну, мирну, безмятежну, и Небеснаго Царствия наследие получити со всеми святыми во веки веков. Аминь.

Молитва вторая (от слепоты, болезни ног, кожных болезней)

О блаженная душе, о премудрости исполненный разуме: возсия бо нам светонезаходимое солнце веселия, просвещая Российское царство: от бесов уязвленных исцелитель, паче же и самих бесов прогонитель, слепым прозрение, хромым хождение, сляченным исправление, болящим всем исцеление и здравие: от бед и скорбей избавление, печальным утешение.

Молитва третья

О угодниче Христов, преблаженне Василие! Услыши ны, многогрешныя, ныне вопиющия к тебе: помилуй ны, раб Божиих (имена), и умилосердися над убожеством нашим! и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо, от видимых и невидимых враг, и безгрешно прейти, и христианскую кончину непостыдну, мирну, безмятежну, и Небеснаго Царствия наследие получити, со всеми святыми, во веки веков.

Тропарь блаженному Василию, Христа ради юродивому, Московскому чудотворцу

Тропарь, глас 8

Житие твое, Василие, неложное и чистота нескверна! Христа ради тело твое изнурил еси постом и бдением, и мразом, и теплотою солнечною, и слотою (ненастьем) и дождевным облаком, и просветися лице твое яко солнце: и ныне приходят к тебе российстии народи, цари же и князи, и вси людие, прославляющие святое твое успение. Тем Христа Бога моли, да избавит ны от варварскаго пленения и междоусобныя брани, и мир мирови подаст и душам нашим велию милость.

Тропарь, глас 8

Якоже бо солнце и луна наготою своею не срамляются, тако и ты, угодниче Христов Василие наг сый, не срамляшеся, восприят бо ризу Адама первозданнаго, юже он ношаше прежде в раи, ты же сию на земли поносил еси; и был еси добрый купец: елико имеяше, вся остави и купи мздою терпения своего село, на немже сокровен безценный Бисер, Христос. Сего ради явися всем грешным образ покаяния и вселися в райскую широту, и, предстоя Христови, не забуди град, в немже обита, и люди, преблаженне, и моли спасти души наша.

Кондак, глас 4

Духом Божиим водим, преблаженне Василие, отрясл еси мирский мятеж и жития треволнения возгнушался еси, и совлекся одеянии тленных, и облекся в ризу безстрастия, убежал еси ловления льстиваго миродержца, и был еси странен во твоем языце, и паче земнаго богатства избрав богатство небесное, увязлся еси венцем терпения, и ныне, преблаженне Василие, моли Христа Бога о творящих святую память твою, да зовем ти: радуйся, преблаженне Василие.

ИН Кондак, глас 4

Явил тя есть Господь нынешнему роду исцелителя болезнем и прогонителя недугом любовию, Василие, притекающим к тебе и призывающим верою молитвы твоя.

Величание

Ублажаем тя, святый блаженный Василие, и чтим святую память твою, ты бо молиши за нас Христа Бога нашего.

Акафист блаженному Василию, Христа ради юродивому, Московскому чудотворцу
Икона Блаженному Василию, христа ради юродивому, Московскому чудотворцу

« предыдущая молитва :: следующая молитва »

Популярные молитвы:

Все Иконы Божьей матери и Святых угодников
Молитва святой мученице Фотинии Самаряныне
Молитвы святителю Дмитрию Ростовскому
Молитва преподобному Дамиану, пресвитеру Печерскому, целебнику
Молитвы священномученику Харалампию
Молитвы святой великомученице Варваре
Молитва преподобному Петру Афонскому
Молитва святителю Стефану, епископу Пермскому
Молитва святым мученикам Евстратию, Авксентию, Евгению, Мардарию и Оресту
Молитва Смоленской иконе Пресвятой Богородицы, именуемой Смоленская Одигитрия
Молитва Господу Богу о восстановлении самодержавнаго царства русскаго
Молитвы преподобному Амвросию Оптинскому
Молитва преподобному Маруфу, епископу Месопотамскому
Молитвенное правило, которое преподобный Амвросий Оптинский благословлял читать во время скорби и искушений
Молитвы к чудотворным иконам Божией Матери, Пресвятой Богородице


... Добавить в "Закладки" ... Ctrl+D


Православные информеры для сайтов и блогов

Пожертвование на развитие сайта.



Все молитвы ...