Главная --> Православные молитвы --> Молитва святителю Никите, епископу Новгородскому

Молитва святителю Никите, епископу Новгородскому.

О, архиерею Божий, святителю Никите! Услыши нас грешных, днесь во священный храм сей стекшихся, и честному образу твоему покланяющихся, и умиленно вопиющих: якоже седя на престоле святительства в Великом Новеграде, и единою належащу бездождию, дождь молитвою свел еси, и паки граду сему огненным пламенем обдержиму, молитвою избаву подал еси, тако и ныне молим тя, о святителю Христов Никито, молися ко Господу, еже избавити царствующия грады, Великий Новград и вся грады и страны христианския от труса, потопа, глада, огня, меча и от всех врагов видимых и невидимых, яко да изрядных ради молитв твоих спасаеми, славим Пресвятую Троицу, Отца и Сына и Святаго Духа, и твое милостивное предстательство, ныне и присно и во веки веков. Аминь.

Тропарь святителю Никите, епископу Новгородскому

Насладився, Богомудре, воздержания и желание плоти твоея обуздав, на престоле святительства сел еси, и яко звезда многосветлая, просвещая верных сердца зарями чудес твоих, отче наш святителю Никите, и ныне моли Христа Бога, да спасет души наша.

ИН ТРОПАРЬ, ГЛАС 2

Небеснаго пространства желая, от юности в тесне месте затворился еси, в немже прельщен быв от врага, паки смирением и послушанием победил еси прелестника крепце, Никито, и ныне, предстоя Христови, моли спастися всем нам.

КОНДАК, ГЛАС 6

Архиерейства саном почтився и чисте Чистейшему предстоя, прилежно моление за люди твоя приносил еси, яко и дождь молитвою свел еси, овогда же и града, запаления угасил еси. И ныне, святителю Никито, моли Христа Бога спасти люди твоя молящияся, да вси вопием ти: радуйся, святителю, отче предивный.

ИН КОНДАК, ГЛАС 1

Победив вражия лести добле и светло добродетельми просияв, святительства одеждою облеклся еси, преславне Никито, в немже светом жития твоего и чудесы сияя паче солнца, многих просветив, привел еси Христови, Егоже моли о нас, поющих тя.

Акафист святителю Никите, епископу Новоградскому, чудотворцу
Икона Святителю Никите, епископу Новгородскому

« предыдущая молитва :: следующая молитва »

Похожие молитвы:

Молитва Святителя Ионы, митрополита Московского, чудотворца.
Молитва святым бессребреникам и чудотворцам Косме и Дамиану.
Молитва Преподобному Роману Чудотворцу.
Молитва ко Пресвятой Богородице перед Ея иконой, именуемой Неупиваемая Чаша.
Молитва блаженному Прокопию, Устюжскому чудотворцу.
Молитва преподобному Моисею Угрину.
Молитвы преподобному Макарию Великому, Египетскому.
Молитвы Святому Архангелу Гавриилу.
Молитва Архангелу Уриилу.
Молитвы к Пресвятой Богородице перед Ея иконой, именуемой Тихвинская.
Молитва святителю и чудотворцу Ермогену, Патриарху Московскому.
Молитва Господу Богу о восстановлении самодержавнаго царства русскаго.
Молитвы святой блаженной Матроне Московской
Молитвы святой праведной Гликерии, девы Новгородской
Молитвы преподобному Тихону Медынскому, Калужскому


... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов