Молитвы святых угодников

Главная --> Православные молитвы --> Молитва мученикам Антонию, Евстафию и Иоанну Виленским (Литовским)

Молитва мученикам Антонию, Евстафию и Иоанну Виленским (Литовским), (в Вильне пострадавшим).

Святии мученицы Антоние, Иоанне и Евстафие! Призрите с Небеснаго чертога на требующих вашея помощи и не отвергните прошений наших, но, яко приснии благодетели и ходатаи наши, молите Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго вашего заступления.
Да молитвами вашими даст нам Господь мир помыслов, от пагубных страстей воздержание и от всякия скверны удаление; и да укрепит во всем мире Свою Едину Святую Соборную и Апостольскую Церковь, юже стяжал есть честною Своею Кровию.
Молитеся прилежно, святии мученицы, да благословит Христос Бог всю нашу державу, да утвердит во Святей Своей Православней Церкви живый дух правыя веры и благочестия; да вся чада ея, от суемудрия и суеверия свободившеся, духом и истиною покланяются Ему, и о соблюдении Его заповедей усердно потщатся; да мы вси в мире и благочестии поживем в настоящем веце, и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава, со Отцем и Святым Духом, ныне и присно и во веки веков. Аминь.

Тропарь мученикам Антонию, Евстафию и Иоанну Виленским

ТРОПАРЬ, ГЛАС 4

Иже земных чести и славы отвергшеся, доблии и честнии страдальцы, веры ради крепко и мужественно муки претерпесте, на смерть себе давше за Живот всех Владыку, темже и Христос преславно столпом облачным с небес вас озари и почестьми и венцы от Престола Славы венча, со ангелы Тому предстояще, молите спастися душам нашим.

ИН ТРОПАРЬ, ГЛАС 4

От корене неплодна, преблаженнии, возрастивше Православныя веры ветви, первомучеником тезоименитии явистеся: злаго бо и нечестиваго князя ярости не убоястеся, повелевающа Христа отрещися, сего ради мученическия венцы приемше и со ангелы Престолу Владычню предстояще, о нас молитеся, преблаженнии, православно чтущих святую память вашу.

КОНДАК, ГЛАС 3

Отеческую прелесть оставльше, святии, приведостеся Христови, всем души усердием стасте мужемудренно до смерти. Темже и взясте победы почесть воистинну, о всех Владыку нашего непрестанно моляще.

ВЕЛИЧАНИЕ

Величаем вас, страстотерпцы святии, Антоние, Иоанне и Евстафие, и чтим честная страдания ваша, яже за Христа претерпели есте.

Акафист святым мученикам Виленским: Антонию, Иоанну, Евстафию Виленским, Литовским.
Икона Мученикам Антонию, Иоанну и Евстафию Велинским (Литовским)

« предыдущая молитва :: следующая молитва »

Похожие молитвы:

Молитва святому великомученику Мине.
Молитвы святителю и чудотворцу Николаю архиепископу Мир Ликийских.
Молитва преподобному Иакову Железноборскому.
Молитва Пресвятой Богородице, именуемой Неопалимая Купина.
Молитвы Святому Архангелу Гавриилу.
Молитва преподобному Иоанну Дамаскину.
Молитва перед Смоленской иконой Пресвятой Богородицы, именуемой Смоленская Одигитрия.
Молитва Пресвятой Богородице перед Ея иконой, именуемой Знамение.
Молитвы блаженной Ксении Петербургской.
Mолитва новомученикам и исповедникам Российским
Молитва преподобным Кириллу и Марии, родителям преподобного Сергия Радонежского
Молитвы ко Пресвятой Богородице пред иконою Ее Жировицкая
Молитвы святой праведной Гликерии, девы Новгородской
Молитвы преподобной великой княгине Анне Кашинской
Молитвы преподобного Макария Оптинского


... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов