Молитвы святых угодников

Главная --> Православные молитвы --> Молитва ко святому великомученику Мине

Молитва ко святому великомученику Мине.

О, страстотерпче святый мучениче Мино! Взирающе на икону твою и поминающе цельбы, тобою подаваемы всем, с верою и благоговеинством к тебе притекающим, припадаем ти и, приклонше колена сердец наших, от всея души нашея молим тя: буди нам ходатай пред Господем и Спасом нашим Иисусом Христом о немощех наших, сопутствуй и утешай нас во время скорбей наших, даруя нам память о гресех наших, помогай в напастех и треволнениях мира сего, и во всех бедах, в сей юдоли плачевней нас постигающих. Аминь.

Молитва иная

  О, святый великомучениче Христов, Мино многострадальне, образ благочестиваго жития на земли верным явивший, мученическою же кончиною твердость веры своея засвидетельствовавший и венец нетленныя славы от руки Венцедавца Христа восприявший на Небесех Молися о иже с верою притекающих ко святому имени твоему, блаженне, и предстательствуй выну о всех любовию чтущих честную память твою, от многоразличных бед и напастей нас сохраняюще, да ходатайством твоим от сетей лукаваго и от злых людей соблюдаеми в мире и благочестии оставльшияся дни жития нашего поживем, хваляще дивнаго во Святых Бога, Отца и Сына, и Святаго Духа, и твое милостивое, ныне и присно, и во веки веков. Аминь.

Тропарь святому великомученику Мине

ТРОПАРЬ, ГЛАС 4

Яко безплотных собеседника и страстотерпцем единовсельника, сошедшеся верою, Мино, восхваляем тя, мира мирови испроси и душам нашим велия милости.

КОНДАК, ГЛАС 4

Воинства исхити привременнаго и нетленнаго показа тя Небеснаго общника, страстотерпче Мино, Христос, Бог наш, Иже мучеников нетленный венец.

ИКОС

Великаго ходатай нам есть веселия память мучеников, на страсти мужество и победу на враги показующи в светлем и радостнем исповедании благодати. Приидите убо в ней, празднолюбцы вси, и возвеселимся, время нашего веселия лучшее и пребывающее, Мины страдальца память совершающе и приемлюще страстей разрешения дар: сего же датель Христос Бог есть, мучеников нетленный венец.

Акафист святому великомученику Мине
Икона Святому великомученнику Мине

« предыдущая молитва :: следующая молитва »

Популярные молитвы:

Молитва Пресвятой Богородице Троеручица
Молитва мученикам Антонию, Евстафию и Иоанну Виленским
Молитва святому праведному Симеону Богоприимцу
Молитва святым отрокам: Максимилиану, Иамвлиху, Мартиниану, Иоанну, Дионисию, Ексакустодиану, Антонину
Молитва преподобному Маруфу, епископу Мессопотамскому
Молитвы Иоанну Кронштадтскому святому праведному
Молитвы святителю Спиридону Тримифунтскому чудотворцу
Молитвы Пресвятой Богородице Взыскание погибших и Всех скорбящих радосте
Молитвы Пресвятой Богородице Спасительница утопающих
Молитва святителю Тихону, епископу Амафунтскому
Молитва преподобному Нилу Сорскому, чудотворцу
Молитва Пресвятой Богородице Знамение
Молитва святителю Андрею, архиепископу Критскому
Молитва святителю Игнатию Брянчанинову
Псалмы 34, 90. Молитва честному кресту: Да воскреснет Бог. Псалом Давиду


... Добавить в "Закладки" ... Ctrl+D


Для пожертвований:

Пожертвование.

Да хранит Вас Господь!

Православные информеры для сайтов и блогов




Все молитвы ...