Главная --> Православные молитвы --> Молитва святителю Митрофану Воронежскому

Молитва святителю Митрофану Воронежскому.

Молитва первая

Святителю отче Митрофане, нетлением честных мощей твоих и многими благодеяньми, чудесно содеянными и содеваемыми тобою с верою к тебе притекающим, уверившеся, яко имаши велию благодать у Господа Бога нашего, всесмиренно припадаем вей и молимся тебе: моли о нас Христа Бога нашего, да ниспослет всем, чтущим святую память твою и усердно к тебе прибегающим, богатыя милости Своя: да утвердит во святей Своей Православной Церкви живый дух правыя веры и благочестия, дух ведения и любве, дух мира и радости о Духе Святе, да вей члены ея, чисты от мирских искушений и плотских Похотей и злаго действия злых духов, духом и истиною покланяются Ему и усердно пекутся о соблюдении заповедей Его ко спасению душ своих. Пастырем ея да даст святую ревность попечения о спасении людей, им вверенных, да неверующих просветят, неведущих наставят, сомневающихся вразумят и удостоверят, отпадших от Православныя Церкве Обратят в святые недра ея, верующих соблюдут в вере, грешных подвигнут к покаянию, кающихся утешат и укрепят в исправлении жизни, раскаявдшихся и исправившихся утвердят в святости жизни; и тако всех введут указанным от него путем в уготованное вечное Царство святых Его. Ей, святителю Божий, да устроиши молитвами твоими вся благая душам и телесем нашим; да и мы прославим в душах и телесех наших Господа и Бога нашего, Иисуса Христа, Емуже со Отцем и Святым Духом слава и держава во веки веков. Аминь.

Молитва вторая

О святителю отче Митрофане, се мы грешнии, нетлением честных мощей твоих и многими благодеяньми, чудесно содеянными и содеваемыми тобою, уверившеся, исповедуем, яко имаши велию благодать у Господа Бога нашего, и всесмиренно ко твоему благосердию припадающе, тебе молимся сице: моли о нас Христа Бога нашего, да низпослет всем чтущим святую память твою и усердно к тебе прибегающим богатыя милости Своя; да утвердит во святей Своей Православной Церкви живый дух правыя веры и благочестия, дух ведения и любве, дух мира и радости о Дусе Святе, да вся чада ея, чиста суща от мирских искушений и плотских похотей и злаго действия злых духов, духом и истиною покланяются Ему, и усердно о соблюдении заповедей Его ко спасению душ своих да потщатся. Пастырем ея да даст Господь святую ревность попечения о спасении людей, во еже неверующия просветити, неведущия наставити, сомнящияся вразумити, отпадшия от Православныя Церкве к ней возвратити, верующия в вере соблюсти, грешныя на покаяние подвигнути, кающияся утешити и во исправлении жизни утвердити, и тако вся люди ко уготованному вечному Царству святых Его привести. Умоли Господа, угодниче Христов: верных рабов Его, в скорби и печали день и нощь вопиющих к Нему, многоболезенный вопль да услышит и да изведет от погибели живот наш. Всем же в державе людем да дарует благий Бог наш мир, тишину, безмятежие и изобилие плодов земных, паче же ко исполнению заповедей Его тщание неленостное; и да избавит царствующия грады, град сей и вся иныя грады и веси, от глада, труса, потопа, огня, меча, нашествия иноплеменных, междоусобныя брани, смертоносныя язвы и от всякаго зла. Ей, святителю Божий, да устроиши молитвами твоими вся благая душам и телесем нашим; да и мы прославим в душах и телесех наших Господа и Бога нашего, Иисуса Христа, Емуже со Отцем и Святым Духом слава и держава во веки веков. Аминь.

Молитва иная

О святителю отче Митрофане! Приими сие малое моление от нас, грешных раб Божиих (имена), к тебе прибегающих, и теплым твоим предстательством умоли Господа и Бога нашего, Иисуса Христа, яко да подаст нам согрешений наших прощение и избавит нас от бед, печалей, скорби и болезней душевных и телесных, обдержащих нас; да подаст вся на пользу настоящаго жития нашего потребная; да дарует нам скончати житие сие привременное в покаянии и да сподобит нас, грешных и недостойных, Небеснаго Царствия Своего, во еже со всеми святыми славити Его безконечное милосердие, со Безначальным Его Отцем и Святым и Животворящим Его Духом, во веки веков.

Личное прошение

О архиерею Божий, святителю Христов Митрофане, услыши мя, грешнаго (имя), в час сей, в оньже тебе моление приношу, и помолися о мне грешнем ко Господу Богу, да отпустит грехи моя и подаст (содержание прошения) молитвами, святе, твоими.

Тропарь святителю Митрофану, епископу Воронежскому

Тропарь, глас 4:

Правило веры и образ кротости словом и житием пастве твоей, отче смиренномудре Митрофане, был еси. Темже и во светлостех святых солнца светлейше возсиял еси, венцем нетления и славы украшаемь, моли Христа Бога стране нашей и граду твоему в мире спастися.

Кондак, глас 8:

Воздержанием тело духу поработив, душу же равноангельну сотворив, святительскою одеялся еси одеждею, яко венец священства, и ныне всех Владыце предстоя, моли, всеблаженне Митрофане, умирити и спасти души наша.

Тропарь Димитрию, митрополиту Ростовскому, Митрофану и Тихону, епископам Воронежским, глас 8

Якоже древле на Востоцех трие велицыи святителие, / сильный словом Василий, / глубина Богословия Григорий и Златоустый Иоанн, / тако и днесь в стране полунощней / три новоявленная светила веры на тверди церковней востекоша:/ столп веры Митрофан,/ слово истины в лице царю исповедавый, / и обличитель раскола Димитрий, / мечем обоюду острым вся козни его разсекий, / и помазания полный сосуд Тихон, / тихостию словес своих грешника к покаянию призвавый. / О велицыи трие святителие земли Российския, / молите Христа Бога, Емуже угодни бысте, // спастися душам нашим.

Кондак Димитрию, митрополиту Ростовскому, Митрофану и Тихону, епископам Воронежским, глас 3

Иже в поздния наша роды и в последняя времена / обуреваемых треволнением житейских страстей и хладом безверия недугующих / в скорби душевней утешивший и теплотою вашея веры согревавший, / трие новоявленный святителие Российстии, / Димитрие, Митрофане и Тихоне, / на камени Православия утвердите ны / и, яко чадолюбивии отцы, // духовная чада ваша стезею заповедей отеческих в Царствие Христово вслед себе руководите.

Величание

Величаем тя, святителю отче Митрофане, и чтим святую память твою, ты бо молиши за нас Христа Бога нашего.

Акафист святителю Митрофану, епископу Воронежскому
Икона святого Митрофана, епископа Воронежского

« предыдущая молитва :: следующая молитва »

Похожие молитвы:

Молитва святому великомученику Мине.
Молитва святым отрокам: Максимилиану, Иамвлиху, Мартиниану, Иоанну, Дионисию, Ексакустодиану, Антонину.
Молитва святому Вонифатию Милостивому.
Молитвы Великомученику Иоанну Новому, Сочавскому.
Молитва святому преподобному Спиридону Печерскому.
Молитва святителю и чудотворцу Ермогену, Патриарху Московскому.
Молитва преподобному Иосифу Волоцкому.
Молитва святому Царю мученику Николаю
Молитвы к Божьей Матери, Богородице на каждый день недели
Молитвы к Пресвятой Богородице перед Ея иконой, именуемой «Козельщанская»
Молитвы святителю Тарасию, архиепископу Константинопольскому
Молитвы ко Пресвятой Богородице пред иконою Ее Жировицкая
Молитвы преподобному Димитрию Прилуцкому
Молитвы преподобным Сергию и Герману Валаамским
Молитвы Преподобному Феодору Студиту


... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов