Молитвы святых угодников

Главная --> Православные молитвы --> Молитва святой преподобной Мелании Римляныне

Молитва святой преподобной Мелании Римляныне.

Молитва первая

О, преславная мати Мелание, скорая наша помощнице и заступнице и неусыпная о нас молитвеннице! Предстояще пречистому образу твоему и тя, яко живу сущу, зряще, припадающе молимся тебе: приими прошения наша и принеси я ко Престолу Милосердаго Отца Небеснаго, яко дерзновение к Нему имущая; испроси притекающим к тебе и всем православным христианом вечное спасение и временное благоденствие, на вся благая дела и начинания наша щедрое благословение, от всяких бед и скорбей скорое избавление. Ей, чадолюбивая мати наша, тебе, предстоящей Престолу Божию, ведомы нужды наша духовнии и житейскии, призри на ня матерним оком, и твоими молитвами отврати от нас колебание всяким ветром учения, злых и богопротивных обычаев умножение; утверди же во всех веры согласное ведение, взаимную любовь и единомыслие, да всем, и словесы и писании и делами, славится среди нас Всесвятое имя Отца и Сына и Святаго Духа, Единаго Бога, в Троице покланяемаго, Емуже честь и слава, во веки веков. Аминь.

Молитва вторая

О святая угоднице Божия, преподобная мати Мелание! Подвигом добрым подвизавшися на земли, восприяла еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь

Тропарь святой преподобной Мелании Римляныне

Тропарь, глас 8

В тебе, мати, известно спасеся еже по образу: приимши бо крест, последовала еси Христу, и деющи учила еси презирати убо плоть, преходит бо, прилежати же о души, вещи безсмертней; темже и со Ангелы срадуется, преподобная Мелание дух твой.

Кондак, глас 3

Девства чистоты возлюбльши и обручника к благим увещавши, премножество богатства расточи в пребывание иночествующим, Богоблаженная, и обители воздвиже. Темже в Небесная обители вселися, поминай нас, Мелание всечестная.

« предыдущая молитва :: следующая молитва »

Популярные молитвы:

Молитвы святителю Гурию Казанскому и Варсонофию Тверскому, чудотворцу
Молитва Параскеве нареченной Пятница Святой мученице
Молитва преподобному Сампсону, священнику и целителю, странноприимцу
Молитвы Великомученику Иоанну Новому, Сочавскому
Молитва преподобному Алексию, человеку Божию
Молитва святому пророку Божию Илии
Молитва преподобному Нифонту Кипрскому
Молитвы преподобным Зосиме, Савватию и Герману, Соловецким Чудотворцам
Молитва святому Архангелу Варахиилу
Молитва к Пресвятой Богородице Млекопитательница
Молитвы преподобному Амвросию Оптинскому
Оптинский молитвослов. Молитва Оптинских старцев
Имена Святых христианских угодников - целителей
Молитвы на разные случаи. Тропарь
Молитвенное правило, которое преподобный Амвросий Оптинский благословлял читать во время скорби и искушений


... Добавить в "Закладки" ... Ctrl+D


Православные информеры для сайтов и блогов

Пожертвование на развитие сайта.



Все молитвы ...