Молитвы святых угодников

Главная --> Православные молитвы --> Молитва мученице Фомаиде Египетской

Молитва мученице Фомаиде Египетской.

О, всехвальная мученице Фомаидо!

За чистоту супружества даже до крове подвизавшися и целомудрия ради душу свою положивши, достойна пред Господем обрелася еси, во еже в лице преподобных дев почтенней тебе быти.

Услыши нас молящихся тебе, и якоже древле боримии от плоти целительницу тя имеяху, по дарованней тебе от Бога благодати, сице и ныне прибегающим ко предстательству твоему подаждь отраду и свобождение от плотския брани, и целомудренное житие и незазорное в супружестве и девстве пребывание твоими Богоприятными молитвами всем исходатайствовати потщися, яко да телеса наша храм живущаго в нас Святаго Духа будут.

О, преизбранная в женах и верная рабо Христова! Помози нам, да не погибнем со страстьми и похотьми нашими, но да управимся умом нашим и укрепимся сердцем нашим во всяком благочестии и чистоте, славяще твою помощь и предстательство, благодать же и милость Триединаго Бога, Отца и Сына и Святаго Духа, во веки веков. Аминь.

Тропарь мученице Фомаиде Египетской

Тропарь, Глас 4

Агница Твоя, Иисусе, Фомаида, зовет велиим гласом: Тебе, Женише мой, люблю, и Тебе ищущи страдальчествую, и сраспинаюся, и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою; но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Кондак мученице Фомаиде Египетской, Глас 2

Храм твой всечестный яко цельбу душевную обретше, вси вернии велегласно вопием ти: дево мученице, Фомаидо великоименитая, Христа Бога моли непрестанно о всех нас.

Икона Мученице Фомаиде Египетской

« предыдущая молитва :: следующая молитва »


Похожие молитвы:

Молитвы святителю Алексию Московскому чудотворцу.
Молитвы святителю Гурию Казанскому и Варсонофию Тверскому, чудотворцу.
Молитва ко святой мученице Фотинии Самаряныне.
Молитва святому праведному Симеону Богоприимцу.
Молитва преподобному Ипатию Печерскому, целебнику.
Молитва блаженному Прокопию, Устюжскому чудотворцу.
Молитва преподобному Афанасию Афонскому.
Молитва святителю и чудотворцу Ермогену, Патриарху Московскому.
Молитва Преподобному Григорию, иконописцу Печорскому.
Молитвы к Пресвятой Богородице перед Ея иконой, именуемой Скоропослушница.
Молитвы к Божьей Матери перед Ея иконой, именуемой "Иверская"
Молитвы святой праведной Гликерии, девы Новгородской
Молитвы святому праведному Иакову Боровичскому чудотворцу
Молитвы преподобной великой княгине Анне Кашинской
Молитвы перед иконой Божьей Матери, именуемой "Толгская"


... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов