Молитвы святых угодников

Главная --> Православные молитвы --> Молитва апостолу Фоме

Молитва апостолу Фоме.

Молитва первая

О, преславный апостоле Фомо, душу за Христа предавший и кровию твоею пажить Его удобривший! Услышь чад твоих молитвы и воздыхания, сердцем сокрушенным ныне приносимыя. Се бо беззаконьми омрачихомся, и того ради бедами, якоже тучами, обложихомся, елеа же добраго жития обнищахом зело, и не возможем противитися волком хищным, иже расхищати наследие Божие дерзостно тщатся. О, сильний! Понеси немощи наша, не отлучайся духом от нас, да не разлучимся в конец от любве Божия, но крепким заступлением твоим нас защити, да помилует Господь всех нас молитв твоих ради, да истребит же рукописание безмерных грехов наших, и да сподобит со всеми Святыми блаженнаго Царствия и брака Агнца Своего, Емуже честь и слава, и благодарение и поклонение, во веки веков. Аминь.

Молитва вторая

О, святый апостоле Фомо! Молим тя: сохрани и соблюди нас молитвами твоими от искушений диавольских и падений греховных, и испроси нам, рабам Божиим (имена), свыше помощь во время неверия, да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских. Ей, апостоле Спасов! Не посрами нас, но буди нам помощник и покровитель во всем житии нашем и помози нам благочестно и богоугодно житие сие временное скончати, христианскую кончину получити и добраго ответа сподобитися на Страшнем Суде Христове; да прославим великолепое имя Отца, и Сына, и Святаго Духа во веки веков. Аминь.

Тропарь апостолу Фоме

Тропарь, глас 2-й

Мученик Христов быв, Божественнаго собора апостольскаго сопричастник, неверствием бо Христово Воскресение известив и Того пречистую страсть осязанием уверив, Фомо всехвальне, и ныне нам проси мира и велия милости.

Кондак, глас 4-й

Премудрости благодати исполнен, Христов апостол и служитель истинный, в покаянии вопияше Тебе: Ты мой еси Бог же и Господь.

Икос

Господню ученику и великому тайноповедателю, Фоме Богоглаголивому, Петр возопи: видехом Господа. Рече же той: аще не вижду аз язвы рук Его, не уверую, вопияше близнец. Тогда Владыка всех, якоже раб, прииде, хотя спасти вся, и глаголет Фоме: осяжи руки Моя и ребра и не не веруй: Аз бо есмь Господь и Бог твой. Он же с покаянием возопи: Ты мой еси Бог же и Господь.

Стихира

Христос, Великое Солнце, лучу тя многосветлую во Индию посылает, мрачную лесть, таинниче, вскоре разгоняюща, Фомо премудре апостоле, и люди просвещающа Троицу почитати Божественную, Еюже вси сохраняемся.

« предыдущая молитва :: следующая молитва »


Похожие молитвы:

Молитва святому праведному Симеону Верхотурскому.
Молитва святым отрокам: Максимилиану, Иамвлиху, Мартиниану, Иоанну, Дионисию, Ексакустодиану, Антонину.
Молитвы святителю Спиридону Тримифунтскому чудотворцу.
Молитва преподобному Сампсону, священнику и целителю, странноприимцу.
Молитва святому Архангелу Варахиилу.
Молитва блаженному Прокопию, Устюжскому чудотворцу.
Молитвы к Пресвятой Богородице перед Ея иконой, именуемой Почаевская.
Молитвы преподобному Ефрему Сирину.
Молитва преподобному Симеону Столпнику.
Молитва Пресвятой Богородице перед Ея иконой, именуемой Владимирская.
Молитва святому преподобному Паисию Величковскому.
Молитва святому мученику Полиевкту.
Молитвы преподобного Иоанна Лествичника
Молитвы святому праведному Иакову Боровичскому чудотворцу
Молитвы святому равноапостольному князю Владимиру, во Святом Крещении Василий


... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов