Молитвы святых угодников

Главная --> Православные молитвы --> Молитва великомученику Евстафию Плакиде

Молитва великомученику Евстафию Плакиде.

Молитва

О, преславный святый и многострадальный великомучениче Христов Евстафие! Услыши ны грешныя и недостойныя, святую многострадальную память твою празднующия. Испроси нам у Господа многомощными молитвами твоими благодать, яже ко спасению, и всех грехов содеянных нами прощение, земли благоплодие, миру мирное устроение и от лютых диавольских козней свобождение, христианскую кончину жития нашего и немятежное чрез воздушныя мытарства к небеси прехождение, ты бо приял еси благодать сию от Господа, еже молитися за ны, и аще восхощи помиловати нас, почитающих священную память твою. Вся можеши сотворити. Не презри убо нас недостойных, святый великомучениче Евстафие. Испроси от Господа вся благая и полезная душам нашим, яко да и мы удостоимся славити и воспевати Всесвятое и великолепое Имя Его во премирном Царствии Небеснем, идеже есть всех святых жилище, во веки веков. Аминь.

Молитва вторая

Святый мучениче Евстафие! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

Тропарь великомученику Евстафию

Тропарь, глас 4

Мученик Твой, Господи, Евстафий, во страдании своем венец прият нетленный от Тебе, Бога нашего; имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.

Кондак, глас 2

Страсти Христовы яве подражав, и Сего испив усердно чашу, общник Евстафие, и славы сонаследник был еси, от Самаго всех Бога приемля с высоты Божественное оставление.

Икос

Песнь мне даруй, Боже мой, воспети и глаголати подвиги ныне страстотерпца Твоего, Господи, яко да благочинно восхвалю добляго во страданиих Евстафиа, победителя в бранех бывша всегда, великаго во благочестии, и в лике мучеников возсиявшаго: с ними бо поет непрестанно Тебе со ангелы, Всемудрый, приемля с высоты Божественное оставление.

« предыдущая молитва :: следующая молитва »

Популярные молитвы:

Молитва Святому Ангелу Хранителю. Ангел хранитель
Молитва преподобной княгине Евфросинии Московской
Молитвы святителю Гурию Казанскому и Варсонофию Тверскому, чудотворцу
Молитва мученикам Антонию, Евстафию и Иоанну Виленским
Молитва святым отрокам: Максимилиану, Иамвлиху, Мартиниану, Иоанну, Дионисию, Ексакустодиану, Антонину
Молитва святому преподобному Пимену Многоболезненному, Печерскому
Молитвы преподобному Сергию Радонежскому чудотворцу
Молитвы преподобным Зосиме, Савватию и Герману, Соловецким Чудотворцам
Молитва апостолу Фоме
Молитвы Святому Архангелу Иегудиилу
Молитвы святому пророку Науму
Молитва преподобному Макарию, игумену Калязинскому, чудотворцу
Молитва святителю Андрею, архиепископу Критскому
Молитва святому Царю мученику Николаю
Главные молитвы: Молитва Господня, Иисусова молитва


... Добавить в "Закладки" ... Ctrl+D


Для пожертвований:

Пожертвование.

Да хранит Вас Господь!

Православные информеры для сайтов и блогов




Все молитвы ...