Главная --> Православные молитвы --> Молитва преподобной, благоверной княгине Евфросинии Московской

Молитва преподобной, благоверной княгине Евфросинии (Евдокии) Московской.

О преподобная княгине Евфросиние, доблия в женах подвижнице, прехвальная угоднице Христова! Приими моление нас недостойных, с верою и любовию к раце мощей твоих припадающих, и теплым к Богу ходатайством испроси граду твоему и людем от бед и напастей сохранение, обители сей, тобою созданней, утверждение и благоспеяние, подвизающимся во обители твоей исходатайствуй у Великодаровитаго Христа Бога нашего, да выну пребывают тщанием не лениви, духом горяще, Господеви работающе, в молитвах неусыпающе: в мире благочестно живущим испроси у Господа в вере твердость, во благочестии постоянство, и всем с верою прибегающим к тебе, и твоея помощи и заступления, подавай присно недугов исцеление, в скорбех утешение, во всем житии благопоспешение: наипаче же умоли Господа, в мире и покаянии земное житие преити нам, мытарств горьких и мук вечных избавитися, и Царство Небесное твоим ходатайством получити, идеже ты со всеми святыми Господу предстоиши, да выну славим Отца и Сына и Святаго Духа, ныне и в безконечныя веки веков. Аминь.

Тропарь преподобной, благоверной княгине Евфросинии Московской

Тропарь, глас 8

По земнем вдовстве Небесному Жениху себе уневестивши и в княжестем чертозе подвижнически поживши, послежде и чертог и чад твоих Бога ради оставила еси, преподобная Евфросиние, и вшедши во обитель, тобою созданную, во иноческом образе многи подвиги показала еси, и святое житие по благодати Божией блаженною кончиною увенчала еси. И ныне, предстоящи Христу Богу, моли спастися душам нашим.

ИН ТРОПАРЬ, ГЛАС 5

От юности предизбранная Богом угоднице, оставльщи светлый чертог княжеский, уклонилася еси во обитель, тобою созданную, и, пучину житейскаго моря преплывши, ныне со ангелы песнословиши Христа Бога. Емуже непрестанно молися, преподобная, яко да сохраняет выну обитель, тобою созданную, и дарует нам мир и велию милость.

Кондак, глас 2

Вся красная мира сего яко суетная презревши и тело твое постом и бдением изнуривши, непрестанными молитвами Богу угодила еси, преподобная Евфросиние, и, дар исцелений от Него прияти сподобльшися, слепому прозрение и многим недужным исцеление даровала еси. Темже радостно взываем, глаголюще: слава Богу, прославляющему святыя Своя.

Величание

Ублажаем тя, преподобная мати Евфросиние, и чтим святую память твою, ты бо молиши за ны Христа Бога нашего.

Акафист преподобной, благоверной княгине Евфросинии Московской
Икона Святей Благоверней великой княгине Московской Евдокии, во инокиня Евросинии

« предыдущая молитва :: следующая молитва »

Похожие молитвы:

Молитвы Пресвятой Богородице перед Ея иконой, именуемой Казанская.
Молитва Святого праведного Артемия, Веркольского чудотворца.
Молитвы священномученику Власию Севастийскому.
Молитва святым праведникам Захарию и Елизавете.
Молитвы святым преподобным Ксенофонту и Марии.
Молитва Пресвятой Богородице, именуемой Неопалимая Купина.
Молитва перед иконой Пресвятой Богородицы, именуемой Умягчение злых сердец или Семистрельная.
Молитвы Преподобному Виталию.
Молитвы преподобному Макарию Великому, Египетскому.
Молитва святому преподобному Паисию Величковскому.
Молитва праведному Евдокиму Каппадокиянину.
Молитва ко Пресвятой Богородице пред Ее иконою «Милостивая»
Молитвы святому праведному Иакову Боровичскому чудотворцу
Молитвы преподобного Макария Оптинского
Молитвы к Пресвятой Богородице перед Ея иконой, именуемой «Иерусалимская»


... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов