Молитвы святых угодников

Главная --> Православные молитвы --> Молитва преподобномученице Евдокии

Молитва преподобномученице Евдокии.

Молитва

О, всехвальная Христова преподобномученице Евдокие! Ты теплою любовию своею ко Христу Богу, попрала еси козни вражия и обрела еси бесценный бисер Христа и достигла еси Царства Небеснаго, сего ради к тебе припадаю и умиленною душею и сокрушенным сердцем вопию ти, страстотерпице, аз недостойный: Призри с высоты небесныя на мя, боримаго греховными искушеньми, виждь вопль мой: многими грехми и бедами на всяк день враг запинает мя, ища моея погибели. Славная и всехвальная ученице и исповеднице Христова Евдокие! Умоли возлюбившаго тя Христа Бога, да подаст ми оставление многих прегрешений, да укрепит мя благодатию Своею трезвенно и бодренно шествовати путем святых заповедей Его и вселитися во святыя блаженныя небесныя обители, идеже ты со всеми святыми выну радостно славословиши Единосущную Троицу: Отца и Сына и Всесвятаго Духа. Аминь.

Тропарь преподобномученице Евдокии

ТРОПАРЬ, глас 8.

Правостию умною душу твою привязавши в любовь Христову, тленных и красных, и временных забытием претекла еси, яко Слова ученица: пощением страсти первее умертвивши, страдальчески второе врага посрамила еси. Тем Христос сугубых венцев сподоби тя, славная Евдокие, преподобная страстотерпице: моли Христа Бога, спастися душам нашим.

КОНДАК, глас 4.

Во страдании твоем добре подви-завшися, и по смерти нас освещаеши чудес излиянии, всехвальная, верою прибегающих в Божественную церковь твою, и торжествующе молим тя, преподобная мученице Евдокие: да избавимся недуг душевных и чудес благодать почерпнем.

Акафист преподобномученице Евдокии
Икона Преподобномученица Евдокия

« предыдущая молитва :: следующая молитва »

Популярные молитвы:

Православные молитвы святым угодникам в недугах. Православные молитвы нуждающимся в различных нуждах и немощах
Молитвы священномученику Антипе, епископу Пергамскому
Молитва Пресвятой Богородице Троеручица
Молитва святому праведному Симеону Богоприимцу
Молитва преподобному Ипатию Печерскому, целебнику
Молитвы Преподобному Иову Почаевскому
Молитва Пресвятой Богородице Неопалимая Купина
Молитва преподобному Нифонту Кипрскому
Молитвы преподобному Антонию Великому
Молитва великомученику Евстафию Плакиде
Молитва Святомy Великомy Князю Александpy Hевскомy
Молитва матери о своих детях
Молитвенное правило, которое преподобный Амвросий Оптинский благословлял читать во время скорби и искушений
Молитвы перед иконами пресвятой Богородицы
Главные молитвы: Молитва Господня, Иисусова молитва


... Добавить в "Закладки" ... Ctrl+D


Православные информеры для сайтов и блогов



Все молитвы ...