Молитвы святых угодников

Главная --> Православные молитвы --> Молитва святителю и чудотворцу Ермогену, Патриарху Московскому и всея Руси

Молитва святителю и чудотворцу Ермогену, Патриарху Московскому и всея Руси.

О великий угодниче Христов, святителю отче наш Ермогене! К тебе, молитвеннику теплому и предстателю пред Богом непостыдному, усердно притекаем, в нуждах и скорбех наших утешения и помощи просяще. В древнюю годину искушений, внегда обышедше обыдоша страну нашу нечестивии врази. Господь яви тя Церкви Своей столпа непоколебима и людем российским пастыря добра, душу свою за овцы положивша и лютыя волки далече отгнавша. Ныне убо призри и на ны, недостойная чада твоя, умиленною душею и сокрушенным сердцем тебе призывающая. Крепость бо наша в нас оскуде, и вражия ловления и сети обыдоша нас. Помози нам, заступниче наш! Утверди нас в вере святей: научи нас всегда творити заповеди Божия и вся предания церковная, от отец нам заповеданная. Пастырем нашим буди архипастырь, воином вождь духовный, болящим врач, печальным утешитель, гонимым заступник, юным наставник, всем же благосердый отец и за вся теплый молитвенник; яко да молитвами твоими ограждяеми, непрестанно воспоем и прославим всесвятое Имя Живоначальныя Троицы, Отца и Сына и Святаго Духа, во веки веков. Аминь.

Тропарь священномученику Ермогену, патриарху Московскому

Тропарь, глас 8

Российския земли первопрестольниче, и неусыпный о ней к Богу молитвенниче! За веру Христову и паству твою душу свою положив, державу нашу утвердил еси и страну нашу от нечестия избавил еси. Темже вопием ти: спасай нас молитвами твоими, священномучениче Ермогене, отче наш.

Тропарь, глас 4 (Прославление)

Приспе день светлаго торжества, град Москва радуется, и с ним Русь Православная ликовствует песньми и пеньми духовными: днесь бо священное торжество в явлении честных и многоцелебных мощей святителя и чудотворца Ермогена, якоже солнце незаходимое возсия светозарными лучами, разгоняя тьму искушений же и бед от вопиющих верно: спасай нас, яко предстатель наш, великий Ермогене.

Кондак, глас 6

Темницею и гладом изнуряем, даже до смерти верен пребыл еси, блаженне Ермогене, малодушие от сердец людей твоих изгоняя и на общий подвиг вся призывая. Темже и нечестивых мятеж низложил еси и державу нашу утвердил еси, да вси зовем ти: радуйся, заступниче Российския земли.

Акафист святителю и чудотворцу Ермогену, Патриарху Московскому и всея Руси
Икона Святителю и чудотворцу Ермогену, Патриарху Московскому и всея Руси

« предыдущая молитва :: следующая молитва »

Популярные молитвы:

Молитвы святителю Алексию Московскому чудотворцу
Молитва святому мученику Архидиакону Лаврентию Римскому
Молитвы святым князьям Борису и Глебу
Молитва Косме и Дамиану святым бессребреникам и чудотворцам
Молитва Захарию и Елизавете святым праведникам, икона
Молитва святителю Феодосию, архиепископу Углицкому и Черниговскому
Молитвы Ксенофонту и Марии святым преподобным
Молитвы Великомученику Иоанну Новому, Сочавскому
Молитва святому священномученику Садоку, епископу Персидскому
Молитва святой великомученице Евфимии Всехвальной
Молитва Смоленской иконе Пресвятой Богородицы, именуемой Смоленская Одигитрия
Молитва мученику младенцу Гавриилу Белостокскому
Молитвы преподобному Амвросию Оптинскому
Молитва святителю Игнатию Брянчанинову
Молитвы к Божьей Матери Богородице на каждый день недели


... Добавить в "Закладки" ... Ctrl+D


Для пожертвований:

Пожертвование.

Да хранит Вас Господь!

Православные информеры для сайтов и блогов




Все молитвы ...