Молитвы святых угодников

Главная --> Православные молитвы --> Молитвы святой великомученице Екатерине

Молитвы святой великомученице Екатерине.

Молитва первая

О святая Екатерино, дево и мученице истинная Христова невесто! Молим тя чрез особливую благодать, еюже предвари тя Жених твой, Сладчайший Иисус: якоже посрамивши прелести мучителя, мудростию твоею пятдесят ветий победила еси и, напоивши их Небесным учением, к свету истинныя веры наставила еси, тако испроси и нам оную Божию мудрость, да и мы, расторгнувше вся козни адскаго мучителя и презрев мира и плоти соблазны, достойны явимся Божественныя славы и к разширению святыя нашея православныя веры сосуды достойны соделаемся, и с тобою в Небесной скинии Господа и Владыку нашего Иисуса Христа хвалим и прославляем во вся веки. Аминь.

Молитва вторая

О святая дево и мученице Екатерине! Молим тя: призри на бедствия нас, грешных раб Божиих (имена), сотвори нас горняя мудрствовати, а не земная. Поспеши нам молитвами твоими побеждати плотская похотения, к миру пристрастие и козни злых духов, на нас злобно воюющих; да твоим предстательством во дни жития сего свободни явимся от враждебных их нападений и по исходе от воздушных их истязаний. О премудрая дево! Даруй нам вся яже к пользе прошения, можеши бо многая испросити у Возлюбленнаго Жениха твоего, Христа Бога нашего. Мы вемы, яко много может молитва праведнаго, поспешествуемая благостию Милосердаго Бога, Емуже слава, честь и благодарение всегда, ныне и присно и во веки веков.

Молитва третья

О, святая великомученице Екатерино, избранный чистоты сосуде, столпе православия, надежная предстательнице наша, явившая нам сама вину умоляти тя, подвижнице законная, святая на святей горе свято почивающая! Молим тя: приникши свыше, вонми гласу моления нашего, призри на бедствие рабов твоих, просвети омрачение ума нашего, сотвори нас горняя мудрствовати, а не земная. Поспеши нам молитвами твоими побеждати плотская похотения, пристрастия к миру и козни злых духов, на нас злобно воюющих: да твоим предстательством во дни жития сего свободни будем от враждебных их нападений и по исходе от воздушных их истязаний. О, премудрая дево! Даруй нам вся, яже к пользе прошения: можеши бо многая испросити у возлюбленнаго Жениха, Христа Бога нашего. Мы вемы, яко много может молитва праведнаго, поспешествуемая благоутробием милосердаго Бога, Емуже слава, честь и благодарение всегда, ныне и присно и во веки веков. Аминь.

Тропарь великомученице Екатерине

Тропарь, глас 4

Добродетельми, яко лучами солнечными, просветила еси неверныя мудрецы: и якоже пресветлая луна ходящим в нощи, неверия тьму отгнала еси, и царицу уверила еси, вкупе же и мучителя обличила еси, богозванная невесто, блаженная Екатерино: желанием востекла еси в небесный чертог, к прекрасному Жениху Христу, и от Него царским венцем венчалася еси: Емуже со Ангелы предстоящи, за ны молися, творящия пречестную память твою.

Кондак, глас 2

Лик честный божественне, мучениколюбцы, воздвигните ныне, почитающе всемудрую Екатерину: сия бо в тризнищи Христа проповеда, и змия попра, риторов разумы укротивши.

Акафист святой великомученице Екатерине
Икона Святой великомученице Екатерине

« предыдущая молитва :: следующая молитва »


Похожие молитвы:

Молитва Святому Иоанну Предтечи.
Молитвы святому великомученику Димитрию Солунскому.
Молитва святой мученице княгине Людмиле.
Молитва святым бессребреникам и чудотворцам Косме и Дамиану.
Молитвы святому великомученику Никите.
Молитвы святой великомученице Екатерине.
Молитва ко Пресвятой Богородице перед Ея иконой, именуемой Неупиваемая Чаша.
Молитва святому мученику Трифону.
Молитвы к Пресвятой Богородице перед Ея иконами, именуемыми Взыскание погибших и Всех скорбящих радосте.
Молитвы преподобному Онуфрию, царевичу Перскому.
Молитва святителю Евфимию, архиепископу Новгородскому, чудотворцу.
Молитвы Преподобному Алипию Печерскому, иконописцу.
Молитва Господу Богу о спасении и сохранении РОССИИ.
Молитвы Пресвятой Богородице перед Ея иконой, именуемой Державная.
Молитвы святой праведной Гликерии, девы Новгородской


... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов