Молитвы святых угодников

Главная --> Православные молитвы --> Молитва Праведному царю Давиду

Молитва Праведному царю и пророку Давиду, псалмопевцу.

Молитва

О, прехвальный и пречудный пророче Божий Давиде! Услыши нас, грешных и непотребных, в час сей предстоящих пред святою твоею иконою и усердно прибегающих к ходатайству твоему. Моли о нас Человеколюбца Бога, да подаст нам дух покаяния и сокрушения о гресех наших и всесильною Своею благодатию да поможет нам оставити пути нечестия, приспевати же во всяком деле блазе, да укрепит нас в борьбе со страстьми и похотьми нашими; да всадит в сердце наше дух смирения и кротости, дух братолюбия и незлобия, дух терпения и целомудрия, дух ревности к славе Божией и спасению ближних. Упраздни молитвами твоими, пророче, злыя обычаи мира, паче же погибельный и тлетворный дух века сего, заражающий христианский род неуважением к Божественней Православней вере, к уставам святыя Церкви и к заповедем Господним, непочтением к родителем и влаcтем предержащим, и низвергающий людей в бездну нечестия, развращения и погибели. Отврати от нас, пречудне пророче, предстательством твоим праведный гнев Божий, и избави вся грады и веси царства нашего от бездождия и глада, от страшных бурь и землетрясений, от смертоносных язв и болезней, от нашествия врагов и междоусобныя брани. Укрепи твоими молитвами православных людей, благопоспешествуй им во всех благих деяниих и начинаниях к водворению мира и правды в державе их. Пособствуй Всероссийкому Христолюбивому воинству во бранех со врагами нашими. Испроси, пророче Божий, от Господа пастырем нашим святую ревность по Бозе, сердечное попечение о спасении пасомых, мудрость в учении и управлении, благочестие и крепость во искушениих, судиям испроси нелицеприятие и безкорыстие, правоту и сострадание к обидимым, всем начальствующим попечение о подчиненных, милость и правосудие, подчиненным же покорность и послушание ко властем и усердное исполнение своих обязанностей; да, тако в мире и благочестии поживше в сем веце, сподобимся причастия вечных благ в Царствии Господа и Спаса нашего Иисуса Христа, Емуже подобает честь и поклонение, со Безначальным Его Отцем и Пресвятым Духом, во веки веков.
Аминь.

Молитва иная

Помяни, Господи, царя Давида и всю кротость его.

Тропарь Праведному царю и пророку Давиду

Тропарь, глас 2-й:

Благовествуй, Иосифе, Давиду чудеса Богоотцу: Деву видел еси рождшую, с пастыри славословил еси, с волхвы поклонился еси, Ангелом весть прием. Моли Христа Бога спасти души наша.

Тропарь, глас 2-й:

Пророка Твоего Давида, Господи, память празднующе, тем Тя молим: спаси души наша.

Кондак, глас 3-й:

Веселия днесь Давид исполняется Божественный, Иосиф же хваление со Иаковом приносит: венец бо сродством Христовым приемше, радуются, и неизреченно на земли Рождшагося воспевают, и вопиют: Щедре, спасай Тебе чтущия.

Кондак, глас 4-й:

Просветившееся Духом чистое твое сердце, пророчества бысть светлейшаго приятелище: зриши бо яко настоящая далече сущая: сего ради тя почитаем, пророче блаженне, Давиде славне.

« предыдущая молитва :: следующая молитва »

Популярные молитвы:

Молитвы блаженному Василию, Московскому чудотворцу
Молитва Преподобному Василию Новому. Икона Святой Василий Новый
Молитва святым отрокам: Максимилиану, Иамвлиху, Мартиниану, Иоанну, Дионисию, Ексакустодиану, Антонину
Молитва преподобному Ипатию Печерскому, целебнику
Молитва святому преподобному Евфимию Великому
Молитва преподобному Иоанну Рыльскому
Молитва святому праведному Филарету Милостивому
Молитва преподобному Алексию, человеку Божию
Молитвы преподобным Зосиме, Савватию и Герману, Соловецким Чудотворцам
Молитва преподобному Никите Столпнику, Переславскому чудотворцу
Молитва святой великомученице Евфимии Всехвальной
Молитва святому преподобному Галактиону, Вологодскому чудотворцу
Молитва Святителю Иннокентию, апостолу Аляски
Оптинский молитвослов. Молитва Оптинских старцев
Молитва преподобному Маруфу, епископу Месопотамскому

Все молитвы ...



... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов


Молитвы к Пресвятой Богородице и святым.