Главная --> Православные молитвы --> Молитва святому праведному Симеону Верхотурскому

Молитва святому праведному Симеону Верхотурскому.

Молитва святому праведному Симеону Верхотурскому

О, святый и праведный Симеоне, чистою душею твоею в небесных обителех в лице святых водворяяйся, на земли же телом твоим нетленно почиваяй! По данной ти благодати от Господа молитися о нас, милостивно призри на нас многогрешных, аще и недостойне, обаче с верою и упованием ко святей и цельбоносней иконе твоей притекающих, и испроси нам от Бога прощение согрешений наших, в няже впадаем множицею во вся дни жития нашего и якоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси; сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, дивнаго во святых Своих, Отца и Сына и Святаго Духа, и ныне и присно и во веки веков. Аминь.

Молитва вторая

О святый и праведный Симеоне, милостивно призри на нас, многогрешных раб Божиих (имена), и испроси нам от Бога прощение согрешений наших, в няже впадаем множицею во вся дни жития нашего. И якоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси: сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, дивнаго во святых Своих, Отца и Сына и Святаго Духа, ныне и присно и во веки Аминь.

Тропарь Симеону Верхотурскому

ТРОПАРЬ, ГЛАС 4

Днесь радуется славная страна Сибирь, обретши святыя твоя мощи внутрь себе. Архиереи, священницы и весь сонм людский, духовне веселящеся, вопием ти: о, богомудре Симеоне! Избави нас, иже к тебе прибегающих, от всех бед, просяще подати всем по коегождо прошению и избавитися стране сей и граду от огненнаго запаления и поганскаго нашествия и междоусобныя брани и от всякаго зла. Темже и мы вси чтем ныне честных и многоцелебных мощей твоих обретение, новый целебниче, и вопием: слава Давшему тобою всем исцеление.

ИН ТРОПАРЬ, ГЛАС 4

Мирскаго мятежа бегая, все желание обратил еси к Богу, да в видения восход обрящеши горе, отнюдуже не уклонився в лукавствия сердца, но очистив душу и тело, приял еси благодать точити цельбы верным и неверным, притекающим к раце мощей твоих, праведный Симеоне!
Темже, по данному ти дару, испроси у Христа Бога исцеление нам, болящим душевными страстьми, и моли спасти души наша.

КОНДАК, ГЛАС 2

Мира суетнаго отверглся еси, да блага вечныя жизни наследши, возлюбив незлобие и чистоту души и тела. Снискал еси, еже возлюбил, свидетельствуют бо о сем гроб и нетление мощей твоих, и благодать чудотворения наипаче. Точиши бо цельбы всем притекающим к тебе и непросвещенным, Симеоне блаженне, чудотворче предивный.

Акафист святому праведному Симеону, Верхотурскому чудотворцу
Икона Праведному Симеону Верхтурскому

« предыдущая молитва :: следующая молитва »

Похожие молитвы:

Молитва Святому Иоанну Предтечи.
Молитва Святой мученице Параскеве, нареченной Пятница.
Молитва святым отрокам: Максимилиану, Иамвлиху, Мартиниану, Иоанну, Дионисию, Ексакустодиану, Антонину.
Молитва преподобному Афанасию Афонскому.
Молитвы преподобному Ефрему Сирину.
Молитва святителю Стефану, епископу Пермскому.
Молитва святой великомученице Евфимии Всехвальной.
Молитвы преподобному Амвросию Оптинскому
Молитва святому Царю мученику Николаю
Молитва Святителю Митрофану, Воронежскому чудотворцу
Молитвы святителю Тарасию, архиепископу Константинопольскому
Молитвы преподобному Иакову Железноборовскому
Молитвы святой праведной Гликерии, девы Новгородской
Молитвы блаженному Иоанну Власатому, Ростовскому чудотворцу
Молитвы к Пресвятой Богородице перед Ея иконой, именуемой «Иерусалимская»


... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов