Молитвы святых угодников

Главная --> Православные молитвы --> Молитва преподобному Алексию, человеку Божию

Молитва преподобному Алексию, человеку Божию.

Молитва первая

О великий Христов угодниче, святый человече Божий Алексие, душею на небеси Престолу Господню предстояй, на земли же данною ти свыше благодатию различная совершаяй чудеса! Призри милостивно на предстоящий святей иконе твоей люди, умиленно молящиеся и просящие от тебе помощи и заступления. Простри молитвенно ко Господу Богу честнеи руце твои и испроси нам от Него оставление согрешений наших вольных и невольных, в недузех страждущим исцеление, напаствуемым заступление, скорбящим утешение, бедствующим скорую помощь, всем же чтущим тя мирную и христианскую живота кончину и добрый ответ на Страшнем Суде Христове. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да твоими молитвами получивше благодать и милость от Господа, прославим человеколюбие Отца и Сына и Святаго Духа, в Троице славимаго и покланяемаго Бога, и твое святое заступление ныне и присно, и во веки веков. Аминь.

Молитва вторая

О Христов угодниче, святый человече Божий Алексие! Призри милостивно на нас, раб Божиих (имена), и простри молитвенно ко Господу Богу честнии руце твои, и испроси нам от Него оставление согрешений наших вольных и невольных, мирную и христианскую жития кончину и добрый ответ на Страшнем суде Христове. Ей, угодниче Божий, не посрами упования нашего, еже на тя, по Бозе и Богородице, возлагаем; но буди нам помощник и покровитель во спасение; да твоими молитвами получивше благодать и милость от Господа, прославим Человеколюбие Отца и Сына и Святаго Духа и твое святое заступление, ныне и присно и во веки веков.

Кондак, глас 2

Дом родителей твоих, яко чужд, имев, водворился еси в нем нищеобразно и, по преставлении венец прием славы, дивен на земли явился еси, Алексие, человече Божий, Ангелом и человеком радование.

Тропарь преподобному Алексию

Тропарь, глас 4

Возвысився на добродетель и ум очистив, к Желанному и Крайнему достигл еси, безстрастием же украсив житие твое, и пощение изрядное восприим совестию чистою, в молитвах яко безплотен пребывая, возсиял еси яко солнце в мире, преблаженне Алексие.

Ин тропарь, глас 4

Яко чистоты светильник пресветел показася, дивный Алексие, ибо тленный чертог на нетленное Божие Царствие пременив, яко целомудрил делатель преизряден. Сего ради предстоиши Господеви, всех Царю. Егоже моли, даровати нам мир и велию милость.

« предыдущая молитва :: следующая молитва »


Похожие молитвы:

Молитва святым чудотворцам и бессребреникам, мученикам Киру и Иоанну.
Молитва Святой мученице Параскеве, нареченной Пятница.
Молитва святому мученику Трифону.
Молитвы ко святой великомученице Варваре.
Молитва святым мученикам Галактиону и Епистимии.
Святые, молитвы которых помогают в плотской борьбе, блудной страсти.
Молитва Архангелу Уриилу.
Молитва Святителю Мартину Милостивому.
Молитва Пресвятой Богородице перед Ея иконой, именуемой Владимирская.
Молитва Пресвятой Богородице перед Ея иконой, именуемой Знамение.
Молитва преподобному Герману Соловецкому
Молитва преподобным Кириллу и Марии, родителям преподобного Сергия Радонежского
Молитва преподобному Геннадию Костромскому и Любимоградскому
Молитвы Пресвятой Богородице пред иконой «Колочская»
Молитвы перед иконой Божьей Матери, именуемой "Толгская"


... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов