Молитвы святых угодников

Главная --> Православные молитвы --> Молитва мученикам Александру и Антонине

Молитва мученикам Александру и Антонине.

Молитва первая

Боже святый и во святых почиваяй, трисвятым гласом на небеси от ангел воспеваемый, на земли от человек во святых Своих хвалимый, давый Святым Твоим Духом коемуждо благодать по мере дарования Христова, и тою поставивый Церкви Твоей Святей овы апостолы, овы пророки, овы же благовестники, овы пастыри и учители, ихже словом проповеди, Тебе Самому действующему вся во всех, мнози совершишася святии в коемждо роде и роде, различными благодетельми благоугодившии Тебе, и к Тебе, нам образ добрых подвигов своих оставивше, в радости прешедший, готови, в немже сами искушени быша, и нам напаствуемым помогати. Сих святых всех и Александра и Антонину воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, житию, любви, вере, долготерпению, и их молитвенною помощию, паче же Твоею вседействующею благодатию, небесныя с ними сподобитися славы, хваляще Пресвятое имя Твое, Отца и Сына и Святаго Духа во веки. Аминь.

Молитва вторая

О, преблаженнии угодницы Божии, вси святии, предстоящии Престолу Пресвятыя Троицы и наслаждающиися неизреченнаго блаженства! Се ныне, в день общаго вашего торжества, милостивно призрите на нас, меньших братий ваших, приносящих вам сие хвалебное пение, и ходатайством вашим просящих милости и отпущения грехов у Преблагаго Господа; вемы бо, воистину вемы, яко вся, елика восхощете, испросити у Него можете. Темже убо смиренно молимся вам, и Александру и Антонине, молите Милостиваго Владыку, да подаст нам дух вашея ревности к хранению святых Его заповедей, яко, да текше по стопам вашим, возможем земное поприще в добродетельном житии без порока прейти, и в покаянии достигнута преславных селений райских, и тамо купно с вами прославляти Отца и Сына и Святаго Духа, во веки веков. Аминь!

Молитва третья

К вам, о святии вси и Александр и Антонина, яко путеводным светильникам, деяньми своими осветившим путь небеснаго восхода, аз многогрешный смиренно колена сердца моего преклоняю и из глубины души взываю: умолите о мне Человеколюбца Бога, да не попустит ми еще блуждати по распутиям греха, но да просветит мой ум и сердце светом благодати Своея, яко да тою озаряем и подкрепляем, возмогу прочее время земнаго жития правою стезею непреткновенно прейти и ходатайством вашим к Преблагому Господу сподоблюся, поне вмале причастник быти духовныя вашея трапезы в небесном чертозе Царя славы. Емуже со Безначальным Его Отцем и Пресвятым, Благим и Животворящим Духом буди слава, честь и поклонение во веки веков. Аминь.

Тропарь мученикам Александру и Антонине

Тропарь, глас 4

Боже отец наших, творяй присно с нами по Твоей кротости, не остави милость Твою от нас, но молитвами их в мире управи живот наш.

Ин Тропарь, глас 2

Апостоли, мученицы и пророцы, святителие, преподобнии и праведнии, добре подвиг совершивший и веру соблюдший, дерзновение имуще ко Спасу, о нас Того, яко блага, молите, молимся, спастися душам нашим.

Ин Тропарь, глас 4

Иже во всем мире мученик Твоих, яко багряницею и виссом, кровьми Церковь Твоя украсившися, теми вопием Ти, Христе Боже: людем Твоим щедроты Твоя низпосли, мир жительству Твоему даруй и душам нашим велию милость.

Кондак , глас 8

Апостол проповедание, и отец догматы, Церкви едину веру запечатлеша, яже и ризу носящи истину, истканну от еже свыше богословия, исправляет и славит благочестия великое таинство.

Ин Кондак, глас 8

Яко начатки естества Насадителю твари вселенная приносит Ти, Господи, Богоносныя мученики; тех молитвами в мире глубоце Церковь Твою, жительство Твое Богородицею соблюди, Многомилостиве.

Величание

Величаем вас, апостоли, мученицы, пророцы и вси святии, и чтим святую память вашу, вы бо молите за нас Христа Бога нашего.

« предыдущая молитва :: следующая молитва »


Похожие молитвы:

Молитва преподобному Иоанну Дамаскину.
Молитва святителю Феодосию, архиепископу Углицкому и Черниговскому.
Молитва святому апостолу Филиппу.
Молитвы апостолам Петру, Иакову, Иоанну Богослову.
Молитва преподобному Афанасию Афонскому.
Молитва преподобному Моисею Угрину.
Молитва Святомy Благовеpномy Великомy Князю Александpy Hевскомy.
Молитва преподобному Иосифу Волоцкому.
Молитвы святому князю Даниилу Московскому
Молитвы святым мученицам Вере, Надежде, Любови и матери их Софии
Молитва Святителю Митрофану, Воронежскому чудотворцу
Молитва иконе Пресвятой Богородицы «Избавительница от бед»
Молитва Божьей Матери перед Ея иконой, именуемой «Отрада» или «Утешение»
Молитвы преподобному Кириллу, игумену Белоезерскому, чудотворцу
Молитвы святому равноапостольному князю Владимиру, во Святом Крещении Василий


... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов