Молитвы святых угодников

С Новым годом и Рождеством!

Главная --> Молитвы --> Молитвы на великие двунадесятые праздники

Молитвы на великие двунадесятые праздники.

Дни великих двунадесятых праздников особо почитаются верующими. Эти дни памятны им событиями, происшедшими в жизни Господа Иисуса Христа и Пресвятой Богородицы. В эти дни в храмах читаются особые молитвы, посвященные этим праздникам.

7 января — Рождество Иисуса Христа.

Тропарь

Рождество Твое Христе Боже наш, возсия мирови свет разума, в нем бо звездам служащий звездою учахуся, Тебе кланятися Солнцу правды, и Тебе ведети с высоты Востока.

Кондак

Дева днесь Пресущественнаго рождает, и земля вертеп Неприступному приносит: ангели с пастырьмя славословят, волсви же со звездою путешествуют: нас бо ради родися Отроча младо, превечный Бог.

Величание

Величаем Тя, Живодавче Христе, нас ради ныне плотию рождшагося от безневестныя и пречистыя Девы Марии.

Стихира

Слава в вышних Богу, и на земли мир, днесь восприемлет Вифлеем седящаго присно со Отцем, днесь ангели Младенца рожденнаго боголепно славословят: слава в вышних Богу, и на земли мир, в человецех благоволение!

14 января — Обрезание Господа нашего Иисуса Христа.

Тропарь

На престоле огнезрачном в вышних седяй со Отцем безначальным и Божественным Тво
им Духом, благоволил еси родитися на земли от Отроковицы, не искусомужныя Твоея Матере, Иисусе: сего ради и ообрезан был еси, яко человек осмодневный. Слава всеблагому Твоему совету, слава смотрению Твоему, слава снисхождению Твоему, едине Человеколюбие.

Кондак

Всех Господь обрезание терпит, и человеческая согрешения, яко благ обрезует: дает же в вышних и Создателев Иерарх, и светоносный и Божественный таинник Христов Василий.

19 января — Крещение Господне Святое Богоявление, или Крещение Господа Бога и Спаса нашего Иисуса Христа.

Тропарь

Во Иордане крещающуся Тебе Господи, Тройческое явися поклонение: Родителев бо глас свидетельствоваше Тебе, возлюбленнаго Тя Сына именуя: и Дух, в виде голубине, извествоваше словесе утверждение: явлейся Христе Боже, и мир просвещей, слава Тебе.

Кондак

Явился еси днесь вселенней, и свет Твой, Господи, знаменася на нас, в разуме поющих Тя: пришел еси, и явился еси Свет неприступный.

Величание

Величаем Тя, Живодавче Христе, нас ради ныне плотию крестившагося от Иоанна, в водах Иорданских.

Тропари пред водоосвящением:
Глас Господень на водах вопиет, глаголя: придите, примите вси Духа премудрости, Духа разума, Духа страха Божия, явльшагося Христа.
Днесь вод освещается естество, и разделяется Иордан, и своих вод возвращает струи, Владыку зря крещаема.
Яко человек на реку пришел еси, Христе Царю, и рабское крещение прияти тщишися, Блаже, от Предтечеву руку, грех ради наших, Человеколюбие.

Слава, и ныне:
Ко гласу вопиющаго в пустыни, уготовайте путь Господень, пришел еси Господи, зрак рабий прим, крещения прося, не ведый греха. Видеша Тя воды и убояшася, трепетень бысть Предтеча, и возопи глаголя: како просветить светильник
Света? Како руку положить раб на Владыку? Освяти мене и воды, Спасе, вземляй мира грех.

15 февраля — Сретение Господне.

Тропарь

Радуйся, благодатная Богородице Дево, из Тебе бо возсия Солнце правды, Христос Бог
наш, просвещая сущия во тме: веселися и ты, старче праведный, приемый во объятия Свободителя душ наших, дарующаго нам воскресение.

Кондак

Утробу девичу освятивый рождеством Твоим, и руце Симеоне Благословивый якоже подобаше, предварив, и ныне спасл еси нас, Христе Боже: но умири во бранех жительство.

Величание

Величаем Тя, Живодавче Христе, и чтем пречистую Матерь Твою, Еюже по закону ныне принеслся еси в храм Господень.

7 апреля — Благовещение Пресвятой Богородицы.

Благовещение Пресвятыя Владычицы нашея Богородицы.

Тропарь

Днесь спасения нашего главизна, и еже от века таинства явление, Сын Божий, Сын Девы бывает, и Гавриил благодать благовествует. Темже и мы с ним Богородице возопиим: радуйся, Благодатная, Господь с Тобою.

Кондак

Взбранной Воеводе победительная, яко избавльшеся от злых, благодарственная восписуем Ти раби твои, Богородице: но яко имущая державу непобедимую, от всяких нас бед свобода, да завем Ти: радуйся, Невесто Неневестная.

Величание

Архангельский глас вопием Ти, Чистая: радуйся, Благодатная, Господь с Тобою.
Некоторые праздники подвижны в числах. Для верующих важно помнить не само число, когда произошло это событие, но приобщиться верующему к данному событию, вспомнив этот день. Праздники Господни, подвижные в числах — Вход Господень в Иерусалим, Святая Пасха, Вознесение Господне и Пятидесятница.

Молитвы во святую и великую неделю Пасхи.

Стихира во время крестнагр хода кругом храма пред утренею:
Воскресение Твое, Христе Спас, ангели поют на небесех; и нас на земли сподоби чистым сердцем Тебе славити.

На утрени тропарь:
Христос воскресе из мертвых, смертию смерть поправ, и сущим во гробех живот даровав.

Ирмосы канона:
1. Воскресения день! Просветимся, людие. Пасха, Господня Пасха! От смерти бо к жизни, и от земли к небеси Христос Бог нас преведе, победную поющия.
3. Придите пиво пием новое, не от камене неплодна чудодеемое, но нетления источник из гроба одождивша Христа, в Нем же утверждаемся.
4. На Божественней стражи Богоглаголивый Аввакус да станет с нами и покажет светоносна ангела, ясно глаголюща: днесь спасение миру, яко воскресе Христос, яко всесилен.
5. Утренюем утренюю глубоку, и вместо мира песнь принесем Владыце и Христа узрим, правды Солнце, всем жизнь возсияюща.
6. Снизшел еси в преисподняя земли и сокрушил еси вереи вечныя, содержащия связанныя, Христе, и тридневен, яко от кита Иона, воскресл еси от гроба.

Кондак

Аще и во гроб снизшел еси, безсмертне, но адову разрушил еси силу и воскресл еси яко победитель Христе Боже, женам мироносицам вещавый: радуйтеся! И Твоим апостолом мир даруяй, падшим подаяй воскресение.
7. Отроки от пещи избавивый, быв человек, страждет яко смертен, и страстию смертное в нетления облачит благолепие, един благословен Отцев Бог и препрославлен.
8. Сей нареченный и святый день, един суббот царь и господь, праздников праздник и торжество есть торжеств, в он же благословим Христа во веки.

Припев
Ангел вопияще благодатней: чистая Дево, радуйся! И паки реку, радуйся! Твой Сын воскресе тридневен от гроба, и мертвыя воздвигнувый: людие, веселитеся!
9. Светися, светися, новый Иерусалиме! Слава бо Господня на тебе возсия: ликуй ныне и веселися, Сионе! Ты же чистая красуйся, Богородице, о востании рождества Твоего.
Ексапостиларий
Плотию уснув яко мертв, Царю и Господи, тридневен воскресл еси, Адама воздвиг от тли, и упразднив смерть. Пасха нетления, мира спасение!

Стихиры:
Стих: Да воскреснет Бог, и расточатся врази Его.
Пасха священная нам днесь показася. Пасха нова святая, Пасха таинственная, Пасха всечестная, Пасха Христос избавитель, Пасха непорочная, Пасха великая, Пасха верных, Пасха двери райския нам отверзающая, Пасха всех освещающая верных!
Стих: Яко исчезает дым, да исчезнут.
Придите от видения, жены благовестницы, и Сиону рцыте: прими от нас радости благовещения воскресения Христова: красуйся, ликуй и радуйся, Иерусалиме, Царя Христа узрев, из гроба яко жениха происходяща!
Стих: Тако да погибнут грешницы от лица Божия, а праведницы да возвеселятся.
Мироносицы жены, утру глубоку представшя гробу Жизнодавца, обретоша ангела на камени седяща, и той провещав им, сице глаголаше: что ищете живаго с мертвыми? Что плачете нетленнаго во тли? Шедше проповедите учеником Его.
Стих: Сей день, егоже сотвори Господь, возрадуемся и возвеселимся в он.
Пасха красная, Пасха, Господня Пасха! Пасха всечестная нам возсия! Пасха, радостию друг друга объимем! О Пасха, избавление скорби: ибо из гроба днесь яко от чертога возсияв Христос, жены радости исполни, глаголя: проповедите апостолом.
Слава, и ныне:
Воскресения день! И просветимся торжеством, и друг друга объимем! Рцем: братие! И ненавидящим нас простим вся воскресением и тако возопиим: Христос воскресе из мертвых, смертию смерть поправ, и сущим во гробех живот даровав.

Молитвы на Троицу (Святую Пятидесятницу).

Тропарь

Благословен еси, Христе Боже наш, иже премудры ловцы явлей, низпослав им Духа Святаго, и теми уловлей вселенную, Человеколюбие, слава Тебе.

Кондак

Егда снизшед языки слия, разделяше языки Вышний: егда же огненныя языки раздаяше, в соединение вся призва: и согласно славим Всесвятаго Духа.

Стихиры на вечерни:
Пятьдесятницу празднуем, и Духа пришествие, и предложение обещания, и надежды исполнение, и таинство елико, яко велико же и честно.

Слава, и ныне:
Придите, люди, Триипостасному Божеству поклонимся, Сыну во Отце, со Святым Духом: Отец бо бездетно роди Сына соприсносущна и сопрестольна, и Дух Святый бе во Отце, с Сыном прославляем: едина сила, едино существо, едино Божество. Ему же покланяющеся вси глаголем: Святый Боже, вся содеявый Сыном, содейством Святаго Духа: Святый крепкий, Имже Отца познахом, и Дух Святый прииде в мир: Святый безсмертный, утешительный Душе, от Отца исходяй и в Сыне почиваяй: Троица Святая, слава Тебе!

Величание

Величаем Тя, Живодавче Христе, и чтем Всесвятаго Духа Твоего, Егоже от Отца послал еси Божественным учеником Твоим.

Стихира на хвалитех:
Преславная днесь видеша вси языцы во граде Давидове, егда Дух сниде Святыый во огненных языцех, якоже Богоглаголивый Лука повествует. Глаголет бо: собранным учеником
Христовым, бысть шум, якоже носиму дыханию бурну, и исполни дом, идеже бяху седяще: и вси начата глаголати странными глаголы, странными учении, странными повелении Святыя Троицы.

Молитвы на Преображение Господа нашего Иисуса Христа.

Тропарь

Преобразился еси на горе, Христе Боже, показавый учеником Твоим славу Твою, якоже можаху. Да возсияет и нам грешным свет Твой присносущный, молитвами Богородицы, Светодавче, слава Тебе.

Кондак

На горе преобразился еси, и якоже вмещаху ученицы Твои, славу Твою Христе Боже видеша: да егда Тя узрят распинаема, страдание убо уразумеют вольное, мирови же проповедят, яко Ты еси воистинну Отчее сияние.

Величание

Величаем Тя, Живодавче Христе, и почитаем пречистыя плоти Твоея преславное преображение.

28 августа — Успение Пресвятой Богородицы.

Тропарь

В рождестве девство сохранила еси, во успении мира не оставила еси Богородице: лреставйлася еси к Животу, Мати мущи Живота, и молитвами Твоими избавлявши от смерти души наша.

Кондак

В молитвах неусыпающую Богородицу, и в предстательствах непреложное упование, гроб и умерщвление не удержаста: яко бо Живота Матерь, к Животу престави, во утробу вселивыйся Приснодевственную.

Величание

Величаем Тя, Пренепорочная Мати Христа Бога нашего, и всеславное славим успение Твое.

21 сентября — Рождество Пресвятой Богородицы.

Тропарь

Рождество Твое, Богородице Дево, радость возвести всей вселенней; из Тебе бо возсия Солнце правды Христос Бог наш, и разрушив клятву, даде благословение, и упразднив смерть, дарова нам живот вечный.

Кондак

Иоаким и Анна поношения безчадства, и Адам и Ева от тли смертныя свободистася,
Пречистая, во святем рождестве Твоем, то празднуют и людие Твои, вины прегрешений избавльшеся, внегда звати Ти: неплоды рождает Богородицу и питательницу жизни нащея.

Величание

Величаем Тя, Пресвятая Дево, и чтем святых Твоих родителей, и всеславное славим рождество Твое.

4 декабря — Введение во храм Пресвятой Богородицы и Приснодевы Марии.

Тропарь

Днесь благоволения Божия предображение и человеков спасения проповедание, в храме Божии ясно Дева является и Христа всем предвозвещает, Той и мы велегласно возопиим: радуйся, смотрения Зиждителева исполнение.

Кондак

Пречистый храм Спасов, многоценный чертог и Дева, священное сокровище славы Божия, днесь вводится в дом Господень Благодать совводящи, яже в Дусе Божественном, Юже воспевают ангели Божии. Сия есть селение небесное.

Величание

Величаем Тя, Пресвятая Дево, Богоизбранная Отроковице, и чтем еже в храм Господень вхождение Твое.

Молитва на Усекновение честный главы пророка, Предтечии Крестителя Иоанна.

Тропарь

Память праведнаго с похвалами, тебе же довлеет свидетельство Господне, Предтече: показалбося еси воистинну и пророков честнейший, яко и в струях крестити сподобился еси Проповеданнаго. Темже за истину пострадав радуяся, благовестил еси и сущим во аде Бога явльшагося плотию, вземлющаго грех мира и подающаго нам велию милость.

Кондак

Предтечево славное усекновение, смотрение бысть некое Божественное, да и сущим во аде Спасово проповесть пришествие: да рыдает убо Иродиа, беззаконное убийство испросивши: не закон бо Божий, ни живый век возлюби, но притворный, привременный.

Величание

Величаем тя, Крестителю Спасов Иоанне, и почитаем вси честныя твоея главы усекновение.

Иные популярные молитвы:

Православные Святые угодники: житие, память, страдание
Карта сайта Молитвы святых — prayerssaints.ru
Девять заповедей блаженства
Святые Ангелы. Молитвы Архангелам на каждый день
Акафисты, читаемые в болезни и скорби
О молитве: Положение тела при молитве, Молитва перед иконами, Молитва за ближних, Молитва за усопших, Молитва за врагов, Семейная молитва, Практические советы и молитвы на разные случаи жизни, Подведем итоги разговору о молитве
Общие тропари. Ангелу Хранителю, Апостолам, Архангелу, Бессребреникам, Всем святым
Благословление на вступление в брак
Молитвы перед началом обучения
Молитвы о благосостоянии детей в обществе
Молитвы в печали о детях, где они находятся и живы ли
Молитвы о помощи в житейских делах, о благословении Божием над домом
Молитва святым, иные.
Акафист, Молитвы составленные в заключении
Пяточисленные молитвы


... Добавить в "Закладки" ... Ctrl+D


Для пожертвований:

Пожертвование.

Да хранит Вас Господь!

Православные информеры для сайтов и блогов




Все молитвы ...