Главная --> Иконы --> Чудотворные иконы --> Икона Блаженный Иоанн Власатый, Ростовский

Икона Блаженный Иоанн Власатый, Ростовский.

Блаженный Иоанн Власатый, Ростовский

Молитвы блаженному Иоанну Власатому, Ростовскому чудотворцу.

О всесвятый угодниче Христов, Иоанне преблаженне! Услыши нас, молящихся тебе и прибегающих под кров твой, яви на нас(имена) многую твою милость и исходатайствуй нам от Всевышняго богоприятными твоими молитвами вся полезная ко спасению душ и телес наших: сохрани приход наш и люди, живущия в нем, от всякаго озлобления помощию твоею. Темже святую твою память чтуще воспети тебе дерзаем сицевая: радуйся, христиан всех теплый к Богу молебниче; радуйся, приходу нашему похвало и утверждение; и якоже ныне, тако и при кончине нашей испроси у Христа Бога обрести нам велию милость.

Тропарь блаженному Иоанну Власатому, Ростовскому чудотворцу

Тропарь блаженного Иоанна Власатого, глас 8

Явился еси во граде яко в пустыни,/ в смиренномудрии, чистоте и в трудех, и подвизех, и в терпении мнозе, преблаженне отче Иоанне./ Взем бо Крест Христов последова Ему/ и бе в молитвах и псалмопении день и нощь,/ иноязычнаго речения о спасении всего мира христианскаго рода/ и преселился еси к Невечернему Свету./ Ныне же ко гробу Твоему вернии приходящий,/ моляся Господеви, Богородице и Предтечи, приемлют исцеления молитвами твоими./ Но присно за ны молися, блаженне отче Иоанне, спастися душам нашим.

Ин тропарь блаженного Иоанна Власатого, глас 4

Явился еси во граде, яко в пустыни,/ смиреномудрием и чистотою,/ и взем крест Христов последова Ему/ в трудех и подвизех, и в терпении мнозе, преблаженне отче Иоанне./ И ныне моли о нас совершающих память твою,/ и усердно притекающих к раце мощей твоих,/ избавитися от бед, и душам нашим подати велию милость.

Кондак блаженного Иоанна Власатого, глас 8

Христовою любовию уязвися, отче Иоанне блаженне,/ вышния красоты желая,/ земная же вся презре и ни во чтоже вмени./ И на земли ангельское житие препроводи,/ в вечный покой достиже,/ идеже глас празднущих,/ с нимиже молися за ны./ И душам нашим прощение,/ и телесем исцеление даруй.

Ин кондак блаженного Иоанна Власатого, глас 2

Христовою любовию уязвися отче Иоанне блаженне,/ вышния красоты желая,/ земная же вся презре и ни вочтоже вмени,/ и на земли ангельское житие имея,/ преселился еси в вечный покой,/ идеже предстоя Христу Богу/ моли спастися нам и всему христианскому роду яко да зовем ти:/ радуйся преблаженне отче Иоанне.

Житие блаженного Иоанна Власатого, Ростовского чудотворца

« предыдущая икона :: следующая икона »



... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов