Молитвы святых угодников

Главная --> Иконы --> Чудотворные иконы --> Икона Ферапонт Монзенский, Галичский

Икона Ферапонт Монзенский, Галичский.

Ферапонт Монзенский, Галичский

Молитвы преподобному Ферапонту Монзенскому.

О, преподобный отче, великий заступниче, скорый услышателю, угодниче Божий и чудотворче Ферапонте! Не забуди ны, якоже обещался еси, посещай чада твоя; аще бо и отшел еси от нас телом, но духом присно с нами пребываеши. Молим убо тя, о, преподобне отче: избави ны от огня и меча, от нашествия иноплеменных и междо-усобныя брани и от тлетворных ветров и от внезапныя смерти и от всех прилог вражиих, находящих на ны. Услыши ны грешныя, приими молитву и моление наше, еже к тебе, яко кадило благовонное и яко жертву благоприятную, приносим. Умерщвленныя злыми делы, слове-сы и помышленьми души наша, преподобне отче, оживи и возстави. И якоже многи приходящыя к цельбоносному твоему гробу с верою, всякими скорбьми и болезньми люте страждущыя исцелил еси, тако и нас исцели от недугов душевных и телесных. Исторгни нас из глубины согрешений и на путь покаяния настави, милостивым твоим предстательством от видимых и невидимых враг избавляя. Помози нам в житии сем и во исходе душ наших и в будущей жизни, во веки веков. Аминь.

Тропарь преподобному Ферапонту Монзенскому.

глас 8

Любовию Христовою, Богомудре, просветився и добродетельми,/ сожительствовал еси Василию блаженному,/ и, всякое наслаждение плотское возненавидев,/ в пустыню вселился еси,/ в ней же вельми подвизался еси в жизни сей временней,/ плоть умершвляя свою в пениих, и во бдениих, и в пощениих./ Темже и Христос даром чудес обогати тя,/ но поминай убо нас, чтущих пресветлую память твою,/ преподобне отче Ферапонте,/ и моли Христа Бога спастися душам нашим.

Кондак преподобному Ферапонту Монзенскому

глас 8

Возложив себе Богу от юности, преподобне,/ Того паче всех возлюбив,/ и Тому от всея души любовию последовал еси,/ тленная и красная мира нивочтоже вменив, в пустыню вселився,/ в ней же добре подвизался еси противу невидимых врагов козней/ и, яко светозарное солнце, в концех Галическия земли возсиял еси,/ отонуду же, веселяся, прешел еси к Небесным обителем,/ и ныне со Ангелы Владычню Престолу предстоя,/ поминай нас, чтущих память твою, да зовем ти:/ радуйся, Ферапонте, отче наш.

Память святого священномученика Ферапонта

« предыдущая икона :: следующая икона »



... Добавить в "Закладки" ... Ctrl+D


Для пожертвований:

Пожертвование.

Да хранит Вас Господь!

Православные информеры для сайтов и блогов