Молитвы святых угодников

Главная --> Иконы --> Чудотворные иконы --> Икона Феодору Смоленскому и чадам его Давиду и Константину, Ярославским чудотворцам

Икона Феодору Смоленскому и чадам его Давиду и Константину, Ярославским чудотворцам.

Сергий и Герман Валаамские

Молитвы святым благоверным князем Феодору, Давиду и Константину.

О угодницы Божии, святии и благовернии князи Феодоре, Давиде и Константине! Прострите благоприятныя молитвы ваши ко Господу и Создателю нашему и умолите Его благость даровати нам (имена) вся к вечному спасению потребная, таже и к житию сему временному нужная: веруем бо несомненно, яко вся возможна, вам, яко истинным Его угодником. Ей, чудотворцы святии! Не посрамите упования нашего, но молитвами вашими сотворите нас наследники быти Царствия Христова, да прославляем человеколюбие в Троице славимаго и покланяемаго Бога, Отца и Сына и Святаго Духа, и ваше святое заступление, во веки веков.

Молитва иная святым благоверным князем Феодору, Давиду и Константину

О велиции угодницы Божии и чудотворцы, святии и благовернии князе Феодоре, Давиде и Константине, припадающе к святым и многоцелебным мощем вашим, молим вы со смирением, верою и любовию: прострите благоприятные молитвы ваша ко Господу и Создателю нашему, и умолите Его благость, даровати нам вся нужная к житию сему временному, и потребная к вечному спасению нашему: веруем бо несумненно, яко вся возможна вам, яко истинным Его угодником. Сего ради просим вы: испросите нам у Царя царствующих и Господа господствующих страждущую страну Российскую от лютых безбожник и власти их Господь да свободит, верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. Испросите престольным градом, граду нашему и всем градом Российским благополучие, изобилие и от злых сохранение, всем же правоверным людем, почитающим вас, и на поклонение мощем вашим святым приходящим, милость Божию и благих прошений скорое исполнение. Ей, чудотворцы святии, не посрамите упования нашего, но молитвами вашими сотворите нас наследники быти Царствия Христова: да прославляем человеколюбие в Троице славимаго и поклоняемаго Бога, Отца и Сына, и Святаго Духа, и ваше святое заступление во веки веков. Аминь.

Тропарь благоверным князьям Феодору Смоленскому и чадам его Давиду и Константину, Ярославским чудотворцам

Тропарь на преставление, глас 4:

От юности вашея Христове любви прилепившеся, святии, усердно закон и оправдания Того сохранисте; отонудуже и чудесными дарованьми обогатившеся, исцеления источаете, Феодоре, Давиде и Константине, с верою вас почитающих, молите Христа Бога спастися душам нашим.

Ин тропарь на преставление Феодора, глас 4:

Яко целитель преизряден и казатель благоприятен, мирский мятеж оставил еси и крест свой на рамо взем и божественным житием пожил еси и воздержанием плоти украсился еси, к тебе притекающим сосуд избранный показа тя, всеблаженне Феодоре, воспевающих твою память в псалмех и песнех, преподобне, молися о душах наших.

Ин тропарь, глас 4:

Измлада явился еси, Богомудре княже, Божествен сосуд невозбранен Богови, ныне точиши нам многоцеления, вся ереси потопляюще и спасая присно свой град и всех верных сохраняя невредимо от видимых и невидимых враг, верою тя молим, преподобне отче наш, княже Феодоре, моли спастися душам нашим.

Тропарь на перенесение мощей, глас 8:

Яко звезды многосветлыя от юности возсиявше, осветили есте сердца верных пренесением честных мощей ваших, во плоти, яко ангели, на земли показастеся, пощением насаждени бысте, яко древа, при водах воздержания, напоени струями слез ваших, и скверну омысте. Сего ради явистеся приятелища Божия Духа, Феодоре, и Давиде, и Константине, молите Христа Бога спастися душам нашим.

Ин тропарь, глас 4:

Яко апостолом сопричастницы и врачеве предобрии, служители Богоприятнии, памяти вашей Божественней притекающим, святии Богомудрии, достоблаженнии, благочестивии князе, новоявленнии чудотворцы Феодоре, и Давиде, и Константине, сошедшеся любовию в память вашу светло празднуем, в песнех и пениих радующеся, Христа славяще, таковую благодать даровавшаго вам исцелением, граду вашему Ярославлю великое утверждение.

Кондак на преставление Феодора, глас 4:

Явися велие солнце Христове Церкве, просвещая учением светлостьми, всечестне, яко черпалом златым от кладезя неископаннаго чудес почерпл еси от Источника неистощимаго на успение свое приспел еси, всеблаженне Феодоре, ныне всем даеши грехов прощение.

Ин кондак, глас 1:

Многомудренно преселився, преподобне княже Феодоре, в град цветущ присно плоды благия, явился еси яко раи, паче жизни, яко многосветлая звездо в мире сияя, в пощении исправив жизнь свою, и ныне Того получил еси живот вечный на небесех.

Кондак на перенесение мощей, глас 8:

Явистеся светильницы всесветлии, во плоти яко ангели, и яко жизни древеса райская, пощением, бдением и верою возращаеми, процвели есте молитвами вашими, небесныя благодати приемше. Врачеве же крепцы явльшеся, исцеляете недугующих души, с верою прибегающих к раце мощей ваших, чудотворцы славнии, Феодоре, Давиде и Константине. Молите Христа Бога грехов оставление даровати, верою и любовию чтущим память вашу.

Ин кондак на перенесение мощей, глас 8:

Яко светильницы и врачеве преизряднии явистеся, верним сердца озаряюще добродетельми чудес ваших, в плоти бо на земли благоугодители, Иже во святых Прославляемому непрестанно молите о всех нас.

Величание

Величаем вас, святии благовернии князе Феодоре, Давиде и Константине, и чтим святую память вашу, вы бо молите за нас Христа Бога нашего.

Акафист святым благоверным князьям Феодору, Давиду и Константину, Ярославским чудотворцам
Память святого благоверного князя Феодора, смоленского и ярославского чудотворца, и чад его Давида и Константина

« предыдущая икона :: следующая икона »



... Добавить в "Закладки" ... Ctrl+D


Для пожертвований:

Да хранит Вас Господь!

Православные информеры для сайтов и блогов